لو لقيتونى منتحر .. اعذرونى
لو عرفتوا انى دخلت مستشفى المجانين ... ماحدش يستغرب
لو قريتوا عنى انى فجرت المنطقه اللى انا ساكن فيها ..
تأكدوا انى برئ وان البات الللى لحست دماغى هى السبب
مافيش واحده عرفتها الا وطلعت فيا عيب
اكتشفت مؤخرا انك سهل جدا تروح المريخ ... لكن صعب انك ترضى البنت بتاعتك
لو قولتلها انتى شيك النهاردة وزى القمر تقولك مانا طول عمرى كده ... ولو ماقولتش تبقى مبتفهمش
ولو عزمتها على سينما تبقى انت نيتك وحشه وعايز تبوسها .. ولو معزمتهاش تبقى بخيل و نتن
لو قولتلها تعالى نتمشى على الكورنيش تبقى انت مش خايف حد من قرايبها يشوفكوا مع بعض ..
ولو قولتلها بلاش تبقى انت خايف ان واحده من اللى كنت تعرفهم تشوفك
لو اتصلت بيها كل يوم تبقى لزقه .. ولو ماتصلتش تبقى مابتحبهاش
لو رفضت وجهة نظرها فى موضوع تبقى انت مش قادر تفهمها .. ولو وافقت تبقى معندكش رأى
لو حطيت برفان تبقى معاك مقابله خاصه .. ولو محطيتش تبقى ريحتك وحشه
لو اتكلمت معاها كتير تبقى رغاى .. ولو سكت تبقى كئيب
لو قولتلها بحب اغانى تامر تبقى معقد .. ولو قولت مابحبهاش تبقى مش رومانسى
لو ابتسمت فى وش صاحبتها تبقى بتاع حريم .. ولو رسمت تكشيره تبقى مش بتفهم فى الاتيكيت
لو سألتها مالك ؟ يبقى انت مش قادر تحس بيها ... ولو ماسألتش تبقى مش مهتم
لو جيبتلها هديه غاليه فى عيد ميلادها تبقى مش عايز تحوش عشان تتجوزها بسرعه ...
ولو جيبتلها هديه رخيصه تبقى انت مش مقدر قيمتها
لو كلمت مامتها وحكيت عن ظروفك بصراحه تبقى انت كده بتحط العقد فى المنشار ...
ولو كدبت على اهلها تبقى انت كداب ومش مصدر ثقه
لو زعلت منها عشان كل شويه تقولك خارجه مع صحابى تبقى رجعى .. ولو مزعلتش تبقى مش راجل
لو ماعجبكش الاكل اللى هى بتحبه تبقى اهتمامتكم مش واحده ... ولو عجبك تبقى انت منساق
لو قولتلها بحبك كل شويه تبقى بتضحك عليها بكلمتين .. ولو ماقولتش تبقى مش رومانسى
لو لبست كويس تبقى عينك زايغه ... ولو لبست وحش تبقى معفن
لو سألتها رايحه فين وهتيجى الساعه كام تبقى خنقه .. ولو ماسألتش تبقى مش راجل
لو طلبت منها بلاش تتكلمى مع ده تبقى متخلف .. ولو ماطلبتش تبقى مش بتغير عليها
الخميس أكتوبر 02, 2008 3:47 am