توك صغيره وابتديتي تحبين
من علمك ليل السهر ياصغيره
بدري عليك العشق يابنت هالحين
حرام هذا القلب وشهو مصيره
انتي بريئه في الهوى ليه تشقين؟
صدماته لقلبك تراها خطيره
عيشي الطفولة واتركي الحب بعدين
وادروبه طوال عليك وعسيره
الشوق يفضح لاانكشف داخل العين
وانتي بنفسك ماهقيتك بصيره
إن كان قصدك بالمحبة تسلين
بالعكس بتشوفين همّ وحيره
الحب قبلك هز ناس كثيرين
خلاّ القلوب تعيش خوف وغيره
طيعي كلامي واحذري لاتمادين
تراجعي لعل في الأمر خيره
عيشي الطفولة والبراءة لك سنين
وبعدين حبي لاغديتي كبيره
الأربعاء أكتوبر 01, 2008 6:02 pm